اسلام آباد :پاڻي وسيلن واري وفاقي وزير خورشيد شاهه چيو آهي ته پوڇڙ تي پاڻي پهچائڻ لاءِ قدم کنيا پيا وڃن. جمعي ڏينهن قومي اسيمبلي ۾ جي ڊي اي جي ميمبر ڊاڪٽر فهميده مرزا جي نڪتن جو جواب ڏيندي خورشيد شاهه چيو ته پاڻي جي کوٽ هڪ مسئلو آهي ۽ ان تي روزاني گڏجاڻي به ٿيندي آهي ته پوڇڙ تائين پاڻي پهچايو وڃي. هن چيو ته ڪوٽڙي بيراج ۾ 10 هزار ڪيوسڪ پاڻي آهي. هن چيو ته اسان تي الزام آهي ته سنڌ وارا بلوچستان کي پاڻي نٿا ڏيون، دريا ڪابل ۾ هن وقت 20 کان 21 هزار ڪيوسڪ پاڻي آهي. جيتوڻيڪ انهن ڏينهن ۾ اتي 40 هزار ڪيوسڪ تائين پاڻي هوندو آهي. خورشيد شاهه چيو ته پوڇڙ تائين پاڻي پهچائڻ لاءِ سنڌ جي آبپاشي واري وزير سان ڳالهائينداسين.
