ڦلجي اسٽيشن: ڦلجي ۾ صادق آباد پاڙي جي رهواسين پبلڪ هيلٿ انجنئير ۽ ايس ڊي او خلاف احتجاجي مظاهرو ڪيو. ان موقعي رفيق احمد پنھور،سيد زاھد بخاري، صاحب خان، ساجد سومرو ۽ ٻين چيو ته لکين رپيا ماھوار بجيٽ ملڻ باوجود صادق آباد پاڙي جي نالين جي پاڻي کي نيڪال ڪرڻ واري مشين 4 ڏينهن کان خراب پيل آھي، جنهن سبب ناليون اٿلڻ ڪري گندو پاڻي رستن تي بيهجي ويو آھي، گندو پاڻي بيهڻ ڪري اچ وڃ ۾ پريشاني ٿي رهي آهي، اهڙي شڪايت پبلڪ هيلٿ کاتي جي انجنيئر عشرت پنهور، ايس ڊي او سڪندر پنهور کي ڪئي آھي پر ھو گندو پاڻي نيڪال ڪرڻ بدران ڌمڪيون ڏئي رهيا آھن. مظاهرين بلديات جي وزير توڙي وسوارن کان مطالبو ڪندي چيو ته پاڙي مان گندو پاڻي نيڪال ڪيو وڃي.
