ٽنڊوآدم ۽ ڀرپاسي ۾ ڪتن 3 ٻارن سميت 6 ڄڻن کي ڏاڙھي زخمي ڪري ڇڏيو

ٽنڊو آدم: ٽنڊوآدم ۽ ڀرپاسي ۾ رولو ۽ ڇتن ڪتن 3 ٻارن سميت 6 ڄڻن کي ڏاڙھي زخمي ڪري ڇڏيو، ڳوٺ قيصر گهوٽ ۾ 5 سالن جي شازيه ڌي پپو، حيدر شاھه درگاهھ ڀرسان 5 سالن جي ديال پٽ اجي ڪمار، ڳوٺ ڪرنل حنيف ۾ 28 سالن جي عبدالستار پٽ لطيف، ڀٽائي نگر ڀرسان 50 سالن جي لڇمي زال لالو، ٻيراڻي ۾ 4 سالن جي راجوير پٽ نارائڻ داس، شھر ۾ 14 سالن جي شاهزمان پٽ غلام قادر کي ڪتن ڏاڙھي زخمي ڪيو، جن کي تعلقي اسپتال آندو ويو، جتي مرهم پٽي بعد روانو ڪيو ويو.