سن: اليڪشن جي پھرين مرحلي ۾ يوسي مجيد ڪيريو ضلعو نوابشاهھ جا ڪاميابي ماڻيندڙ ايس يو پي جا اميدوار قافلي جي صورت ۾ سن پھچي سائين جي ايم سيد جي مزار تي حاضري ڀري گلن جي چادر چاڙهي. ان موقعي تي ايس يو پي جي نمائندن چيئرمين چڱل خان انڙ، وائيس چيئرمين عبدالخالق نوناري، ضلعي ڪائونسل رضا مصطفيٰ ڪيريو، عبدالملڪ نوناري، امام علي جمالي ميڊيا سان ڳالهائيندي چيو ته اسان ڪاميابي ماڻي سائين جي ايم سيد جي مزار تي حاضري ڀري آهي، سنڌ جو عوام سڄاڳ ٿي چڪو آهي، سنڌي عوام پنهنجي ووٽ جو صحيح استعمال ڪيو آهي، جنهن سان پي پي وارن کي شڪست ملي آهي، پيپلزپارٽي ڌانڌلي ڪري جهيڙا ڪرايا، پر عوام انهن کي رد ڪري ڇڏيو آهي.
