حڪومت عوام تي برداشت کان وڌيڪ بار وجهي رهي آهي:عمران خان

اسلام آباد : تحريڪ انصاف چيئرمين عمران خان پيٽروليم شين جي اگهن ۾ هڪ ڀيرو ٻيهر واڌ تي وفاقي حڪومت تي سخت تنقيد ڪئي آهي. ٽوئيٽر تي جاري ڪيل بيان ۾ عمران خان چيو ته روس کان سستو تيل خريدڻ بجاءِ آمريڪي سازش تحت آندل “درآمدي حڪومت” عوام تي برداشت کان مٿي بار وجهي رهي آهي. هيل تائين پيٽرول 99 رپيرا، جڏهن ته ڊيزل 133 رپيا وڌايو ويو آهي. هن چيو ته امپورٽڊ حڪومت پاڻ کي 11 سئو اربن جو اين آر او ٽو ڏئي رهي آهي، عوام امپورٽڊ حڪومت خلاف اسان جي احتجاج ۾ شامل ٿئي.