ميرواهه گورچاڻي ۾ موٽرسائيڪل ۽ لوڊر رڪشا ۾ ٽڪر، نوجوان فوت

ميرواهه گورچاڻي: ميرواهھ گورچاڻي ۾ موٽرسائيڪل ۽ لوڊر رڪشا ۾ ٽڪر ٿيڻ سبب نوجوان فوت ٿي ويو. ميرواہه گورچاڻي لڳ چمبڙ روڊ اسٽاپ تي موٽرسائيڪل ۽ لوڊر چنگچي رڪشا ۾ آمهون سامهون ٽڪر ٿي پيو، جنهن سبب 2 نوجوان سخت زخمي ٿي پيا، جن کي وارث رورل ھيلٿ سينٽر ميرواهه گورچاڻي کڻائي آيا، جتان ٻنهي زخمي نوجوانن ساوڻ پٺاڻ ۽ مجيد پٺاڻ کي ڳڻتي جوڳي حالت ۾ سول اسپتال ميرپورخاص ريفر ڪيو ويو، جتان زخمين مان سور نه سهندي نوجوان سانوڻ پٺاڻ فوت ٿي ويو، ٻئي نوجوان جي حالت نازڪ ٻڌائي پئي وڃي.