ملڪ اندر ڪرونا ۾ واڌ، شرح ساڍا 5 سيڪڙو ٿي وئي

اسلام آباد: ملڪ ۾ گذريل 24 ڪلاڪن دوران ڪرونا جي هاڪاري ڪيسن جي شرح 5 ڏهائي 46 سيڪڙو تي پهچي وئي. صحت جي قومي اداري موجب گذريل 24 ڪلاڪن دوران ڪرونا جون 4 هزار 674 ٽيسٽون ڪيون ويون، جن مان 255 جو نتيجو هاڪاري نڪتو. اين آءِ ايڇ طرفان جاري ڪيل انگن اکرن ۾ ٻڌايو ويو آهي ته گذريل 24 ڪلاڪن دوران ڪورونا وائرس سبب هڪ ڄڻو فوت به ٿيو. بيان ۾ چيو ويو آهي ته وائرس ۾ مبتلا 141 مريضن جي حالت ڳڻتيءَ جوڳي آهي.