سئوٽ مزدوري ڪرڻ کان روڪي مارڪٽ ڪن ٿا:عمر ساند واسي جي دانهن

عثمان شاهھ ھڙي: عمر ساند واسي ماجد علي راجپوت پريس ڪلب عثمان شاھه ھڙي پهچي صحافين اڳيان احتجاج ڪندي چيو ته سندس مائٽ ناصر راجپوت ۽ ديمڙا راجپوت مون کي مزدوري ڪرڻ لا منع ڪري رھيا آھن ۽ مون کي تشدد جو نشانو بڻايو، آئون غريب ماڻهو آھيان، مزدوري ڪري پنھنجو ۽ گهروارن جو پيٽ پاليندو آھيان، پر منھنجا سئوٽ مون کي مزدوري ڪرڻ کان روڪين ٿا ۽ قتل جون ڌمڪيون ڏين ٿا. هن ايس ايس پي ٽنڊوالهيار ۽ ڊي ايس پي جهنڊومري کي اپيل ڪئي ته عزيزن خلاف ڪارروائي ڪري انصاف ڪيو وڃي.