ڀٽ شاھه: جرمن قونصل جنرل ڀٽ شاھه پھچي ويو، درگاھه ڀٽائي تي چادر چاڙھي حاضري ڀري، جرمن قؤنصل جنرل ھولگر زيگيلر اوچتو درگاھه ڀٽائي تي پھچي درگاھه تي حاضري بعد شاھه جو راڳ ٻڌو ۽ مزار جو معائٔنو ڪيو. ان موقعي تي اوقاف ۽ ثقافت کاتي جي عملدارن جرمن جي قؤنصل جنرل جي آجيان ڪئي ۽ درگاھه بابت بريفنگ ڏني.
درگاھه تي شاھه جي راڳ دوران جرمن قونصل جنرل پنھنجي موبائٔل فون ذريعي تصويرون ڪڍندو رھيو. ثقافت کاتي جو ڊپٽي ڊائٔريڪٽر رحمت اللھ راڄڙ، غلام مجتبى جوکيو، اوقاف کاتي جو اسسٽنٽ مئنيجر عبدالستار سولنگي ۽ ٻيا به موجود ھئٔا. ان موقعي تي سيڪيورٽي جا انتظام سخت ڪيا ويا ھئٔا.
