اسلام آباد : وزيراعظم شهبازشريف آئي ايم ايف سان معاهدي جي بحالي لاءِ ناڻي واري وزير مفتاح اسماعيل ۽ بلاول ڀٽو جي قيادت ۾ ناڻي واري وزارت ۽ پرڏيهي وزير جي ڪوششن جي ساراهه ڪئي آهي. ٽوئيٽر تي پنهنجي بيان ۾ هن چيو ته آئي ايم ايف سان معاهدي جي بحالي لاءِ ناڻي واري وزير مفتاح اسماعيل ۽ بلاول ڀٽو جي اڳواڻي ۾ ناڻي واري وزارت ۽ پرڏيهه جي ڪوششن کي ساراهيندي کين مبارڪ پيش ڪريان ٿو. هن چيو ته هي بهترين ٽيم ورڪ جو بهترين مثال آهي. آئي ايم ايف سان معاهدي جي نتيجي ۾ پاڪستان کي معاشي ڏکيائين مان ڪڍڻ جو رستو سڌو ٿي ويو آهي.
