اڳڙي پوليس جو مبينا مقابلو، 3 ڏوهاري گرفتار

اڳڙا/راضيديرو: اڳڙا پوليس ڪارروائي ڪندي مبينا مقابلي ۾ 3 ڏوهارين کي گرفتار ڪري ورتو. ان سلسلي ۾ ايس ايڇ او اڳڙا پيروز علي شر ميڊيا سان ڳالهائيندي چيو ته ڳجهو اطلاع مليو ته اڳڙا پئٽرول پمپ ويجهو ڏوهه جي ارادي سان ڏوهارين بيٺل آهن، جنهن تي نفري سميت پهتس ته ڏوهارين ۽ پوليس ۾ مقابلو ٿي پيو، جنهن جي نتيجي ۾ 3 ڏوهاري غلام شبير مهر، مدد علي ۽ راشد علي کي گرفتار ڪري ٽي ٽي پسٽل هٿ ڪيا، سندن وٽان سلور ڪلر جي ٽيوٽا ڪرولا ڪار به هٿ ڪئي. هن چيو ته جوابدارن مٿان 3 ڪيس داخل ڪيا ويا آهن.