حيدرآباد: حيدرآباد ۾ 5 ڏينهن اڳ سپر سلاطين هوٽل جي مالڪن هٿان قتل ٿيل نوجوان بلال ڪاڪا جي قتل ڪيس ۾ گرفتار جوابدار شاهسوار پٺاڻ کي ٽن ڏينهن جو جسماني رمانڊ مڪمل ٿيڻ تي سول جوڊيشل مئجسٽريٽ نمبر 4 جي عدالت ۾ پيش ڪيو ويو. عدالت جوابدار کي 7 ڏينهن جي وڌيڪ جسماني رمانڊ تي ڀٽائي نگر پوليس حوالي ڪري ڇڏيو آهي، پوليس مک جوابدار جي ڀا افضل خان کي پڻ گرفتار ڪري ورتو آهي. خبر موجب حيدرآباد جي سپر سلاطين هوٽل جي مالڪن هٿان قتل ٿيل نوجوان بلال ڪاڪا جي قتل ڪيس ۾ گرفتار هڪ جوابدار شاهسوار پٺاڻ کي ڀٽائي نگر پوليس ٽن ڏينهن جو جسماني رمانڊ مڪمل ٿيڻ تي حيدرآباد جي سول جوڊيشل مئجسٽريٽ نمبر 4 جي عدالت ۾ پيش ڪيو. جوابدار کي پيش ڪرڻ وقت وڪيل، سياسي، سماجي اڳواڻ موجود هئا. پوليس عدالت کي استدعا ڪئي ته جوابدار کي 7 ڏينهن جي رمانڊ تي اسان جي حوالي ڪيو وڃي. عدالت پوليس جي استدعا منظور ڪندي جوابدار کي وڌيڪ 7 ڏينهن جي رمانڊ تي ڀٽائي نگر پوليس حوالي ڪري ڇڏيو آهي، ٻئي طرف ڀٽائي نگر پوليس مک جوابدار بختيار پٺاڻ جي ڀا افضل خان کي گرفتار ڪري ورتو آهي. ڀٽائي نگر پوليس ٻڌايو ته جوابدار کي اڄ رمانڊ لا عدالت ۾ پيش ڪيو ويندو.
جڏهن ته پنج ڏينهن گذرڻ باوجود ڀٽائي نگر پوليس ٻين جوابدارن کي گرفتار نه ڪري سگهي.
