حيدرآباد: جيئي سنڌ محاذ چئيرمين رياض علي چانڊيو 21 جولاءِ تي ٽنڊو الهيار ۽ 31 جولاءِ تي ٽنڊو محمد خان ۾ شهيد بلال ڪاڪا جي قاتلن جي گرفتاري ۽ سهراب ڳوٺ انڊس ٽائون تي حملو ڪندڙ دهشتگردن جي گرفتاري، سڀني غيرملڪين ڌارين کي سنڌ مان نيڪالي ڏيڻ، ۽ گرفتار قومي ڪارڪنن جي آزادي ۽ انهن تي داخل ڪوڙا ڪيس ختم ڪرڻ لاءِ احتجاجي ڌرڻي جو اعلان ڪري ڇڏيو آهي. اهڙن خيالن جو اظهار چيئرمين هائوس تي حيدرآباد ۽ ميرپورخاص ڊويزن جي عهديدارن سان گڏجاڻي دوران ڪيو جنهن ۾ جيئي سنڌ محاذ جي چئيرمين رياض علي چانڊيو ڳالهائيندي چيو آهي ته سنڌ ۾ ڌاري آبادڪاري ضياءِآمريت کان وٺي اڄ تائين سرڪاري سرپرستي ۾ منظم نموني سان جاري آهي.
