عثمان شاهھ ھڙي: پاڪستان پيپلز پارٽي جي ضلعي ڪائونسل جا 2 اميدوار بنا مقابلي ڪامياب ٿي ويا. يوسي عثمان شاهھ ھڙي تي ضلعي ڪائونسل ميمبر لا بيٺل پاڪستان تحريڪ انصاف جي اميدوار لال محمد بلوچ پ پ اميدوار ايڊووڪيٽ عابد حسين جي حق ۾ هٿ کڻي ويو. يوسي هڱوراڻي ۾ آزاد راڄوڻي اتحاد جي ضلعي ميمبر اميدوار سرفراز قيوم ساند به پ پ اميدوار خادم حسين ميرجت جي حق ۾ هٿ کڻي ويو، جنهن بعد خادم حسين بنامقابلي ڪامياب ٿي ويو، هن وقت تائين پ پ جي ڪامياب اميدوارن جو تعداد 4 ٿي ويو آهي. هوڏانهن خادم حسين ميرجت ۽ ايڊووڪيٽ عابد حسين ٿيٻو کي اجرڪ جا تحفا ڏنا ويا.ان موقعي تي پ پ تعلقي جهنڊومري جو صدر محمد صالح ميرجت، حضور بخش ٿيٻو، حاجي غلام محمد ٿيٻو، منظور ميرجت، انور ميرجت، دلدار ميرجت، غلام مصطفى ٿيٻو، محمد علي ميرجت، مجيد ميرجت، لطيف ميرجت، سليمان سيهڙو، قيوم ساند، دائود ٿيٻو ۽ ٻيا موجود هئا.
