لاڙڪاڻو: موهن جو دڙو ڀرسان ڳوٺ سالار ڪلهوڙو واسي ڳوٺاڻي پنهنجي گهرڀاتين سان گڏجي بااثر مائٽن جي مبينا زيادتين خلاف احتجاج ڪيو. ان موقعي تي احتجاج ڪندڙ ڳوٺاڻي عبدالستار ڪلهوڙو پنهنجي گهرڀاتين سان گڏجي ميڊيا آڏو دانهيندي الزام لڳايو آهي ته موبائيل فون تي زال کي غير مرد سان ڳالهائڻ تي مون منع ڪرڻ تي منهنجي زال ۽ سهرو مون مٿان ڏمرجي منهنجي مٿان ڪارنهن جو ڪوڙو الزام هڻي بدنام ڪيو آھي، جڏهن ته 2 ڏينهن پهريان منهنجي زال سپنا ڪلهوڙو، سهرو واجد ڪلهوڙو ۽ سس حسينه خاتون منهنجي لا ميڊيا ۾ ڪوڙيون خبرون هلرائي مونکي بدنام ڪيو آھي، منهنجو سهرو ۽ سس لالچي قسم جا ماڻھو آھن، هو ڌيئرن جا نڪاح ٽوڙائي ٻين ماڻھن کان پئسا وٺي ٻين هنڌن تي شاديون ڪرائيندا آھن.
