دبئي ۾ آصف زرداري کي فوري چونڊن تي راضي ڪيو ويندو: فياض چوهاڻ جي دعويٰ

لاهور: تحريڪ انصاف اڳواڻ فياض الحسن چوهاڻ دعويٰ ڪئي آهي ته آصف زرداري دبئي ۾ آهي، ملڪ جي هڪ اهم شخصيت به دبئي ۾ موجود آهي. فياض الحسن چوهاڻ اها دعويٰ به ڪئي ته آصف علي زرداري کي فوري اليڪشن لاءِ راضي ڪيو پيو وڃي. هن چيو ته حالتون ٻڌائين ٿيو ته آصف زرداري کي راضي ڪيو ويندو. ياد رهي ته تحريڪ انصاف ملڪ ۾ فوري عام چونڊون چاهي ٿي جڏهن ته اتحادي حڪومت جو موقف آهي ته حڪومت کي مدو پورو ڪرڻ گهرجي.