فواد چوڌري خلاف ڪرپشن جا ثبوت ملي ويا،جلد گرفتاري جو امڪان

اسلام آباد:ايف آ اي تحريڪ انصاف اڳواڻ ۽ اڳوڻي وفاقي وزير فواد چوڌري خلاف انفارميشن وزارت ۽ پي ٽي وي ۾ اربين رپين جي ڪرپشن جي جاچ دوران اهم ثبوت ملڻ جي دعويٰ ڪندي سندس جلد گرفتاري جو اشارو ڏنو آهي. واضح رهي ته فواد چوڌري سڌ سما ۽ براڊ ڪاسٽنگ واري وزارت جو وفاقي وزير رهي چڪو آهي. ذريعن موجب فواد چوڌري ڪنهن به وقت گرفتار ٿي سگهي ٿو. ٻڌايو پيو وڃي ته فواد چوڌري ۽ ڪجهه ٻين ماڻهن خلاف ڪرپشن جا وڏا ثبوت مليا آهن، تنهن ڪري اها دعويٰ ڪئي پئي وڃي ته فواد چوڌري جي گرفتاري ويجهي آهي.