سامارو: سامارو لڳ رام جاڳو روڊ تي متاثر ڳوٺاڻن بااثر زميندار خلاف احتجاجي مظاھرو ڪيو. يوسي آراڙو ڀرڳڙي جي ڳوٺن عبدالستار راھمون، طارق ڀرڳڙي، لقمان راھمون، حبيب راھمون، قائم راھمون، ڌرمشي ڪولھي ۽ ٻين ڳوٺن جي ڳوٺاڻن اڪبر راھمون، محمد قائم راھمون، طارق ڀرڳڙي، شير محمد راھمون، عظيم، ڌرمشي ڪولھي، ڏيوشي، ھرجي ڀيل، ڪرشن ڀيل، لونگ خاصخيلي، ماجد ڀرڳڙي ۽ ٻين ميڊيا آڏو دانھيندي الزام هڻندي چيو ته بااثر ديوان مالھي ڪڙهھ ٽوڙي سندس زمين جي فصلن جو پاڻي اسان جي ڳوٺن ۽ فصلن ڏانھن لوڙھي ڳوٺن کي ٻوڙي ڇڏيو آھي، سندس زميني پاڻي ڇنڊائڻ جي منع ڪئي ته بااثر زميندار ھٿياربندن کي وٺي اسان جي گھرن تي فائرنگ ڪرائي، بااثر زميندار ديوان مالھي زميني پاڻي ڇنڊائي ويتر اسان جي ڳوٺن ۽ فصلن کي وڌيڪ ٻوڙي رھيو آھي. ھنن اعلى اختيارين کان بااثر زميندر خلاف ڪارروائي ڪري ڳوٺن ۽ فصلن جو پاڻي نيڪال ڪرائي دربدري کان بچائڻ جو مطالبو ڪيو.
