اسلام ڪوٽ: ٿرڪول بلاڪ ون تي ڪم ڪندڙ ڪمپني طرفان ٻوڏ متاثرن جي سهائتا لا امدادي سامان ڊي سي ٿر حوالي ڪيو ويو. ان سلسلي ۾ گذريل ڏينهن ٿرڪول بلاڪ ون جي پاور پلانٽ سائيٽ تي ڪمپني جي سي او مسٽر لي چينگ، برگيڊيئر فرخ نسيم ۽ ڊي سي ٿرپارڪر حفيظ سيال وچ ۾ گڏجاڻي ٿي، جنهن ۾ سي او ٻوڏ متاثر 2 سئو خاندانن جي کاڌ خوراڪ جو سامان، پيئڻ لا صاف پاڻي، خيما ۽ ٻيو سامان ڊي سي حوالي ڪيو ويو. ڪمپني موجب ٿرڪول بلاڪ ون ۽ سيلاني ٽرسٽ جي وچ ۾ 15 هزار ٻوڏ متاثر خاندانن ۾ سامان ورهائڻ جو معاهدو پڻ ٿيو آهي، جلد بدين، ٺٺو، عمرڪوٽ ۽ ٿرپارڪر ۾ سامان ورهايو ويندو. ان موقعي ڊي سي ٿر حفيظ سيال صحافين سان ڳالهائيندي چيو ته ڪمپني طرفان مليل امدادي سامان حقيقي متاثرن تائين پهچايو ويندو.
