مسوڀرڳڙي: مسوڀرڳڙي لڳ ڳوٺ محمد حسن ڪلھوڙي ۾ ٻيٺل برساتي پاڻي ڪيترن ئي پورهيتن جا گھر ڊاهي پٽ ڪري ڇڏيا آهن، متاثرن غلام نبي ڪلھوڙو، ڇٽن ڪلھوڙو، محمد مراد ڪلھوڙو، رجب علي ڪلھوڙو، پپو ڪلھوڙو، دلدار ڪلھوڙو جا گھر مڪمل ڪري پٽ پئجي ويا آھن. متاثرن احتجاج ڪندي ٻڌايو ته ھن ڏک جي گھڙي ۾ ضلعي انتظاميا مٽياري اڃا اتائين ڪابه پرگهور سار ناهي لڌي. ھنن چيو ته برسات سبب اسان جا ڪچا گهر ڊھي پيا آھن، گهرن ۾ پاڻي داخل ٿي ويو آهي، اسان پنهنجا هنڌ، بسترا ۽ ٻيو سامان کڻي روڊ تي کلي آسمان هيٺ ويٺل آهيون. ھنن مطالبو ڪيو ته فوري نوٽيس وٺي، برساتي پاڻي نيڪال ڪرائي، خيما، مڇردانيون ۽ راشن ڏئي ڳوٺاڻن کي پريشانين کان بچايو وڃي.
