حيدرآباد: حيدرآباد سماجي اتحاد سول سوسائٽي نيٽ ورڪ پاران 6 سيپٽمبر يوم دفاع جي موقعي تي ڪالهه ريڊيو حيدرآباد کان حيدرآباد پريس ڪلب سامهون محمد نديم قادري، ملڪ يونس جمال، ساجد خان ۽ ٻين جي اڳواڻي ۾ ريلي ڪڍي وئي. ريلي ۾ شريڪ ڪارڪنن پاڪ فوج ۽ پاڪستان زندهه باد جا نعره هڻندي چيو ته پاڪ فوج پاڪستان جي دفاع سالميت جي ضامن آهي، پاڪ فوج هميشه پنهنجون جانيون قربان ڪري ملڪ جو دفاع ڪيو آهي ۽ ملڪ دشمنن کي منهن ٽوڙ جواب ڏنو آهي.
هنن چيو ته پاڪ فوج هر ڏکئي وقت ۾ ملڪ جي عوام جي خدمت ڪئي آهي، جنهن تي ملڪ جو عوام پاڪ فوج کي سلام پيش ڪري ٿو ۽ پاڪ فوج سان گڏ آهي. ريلي دوران فقير محمد قريشي، ڪوثر سلاوٽ، اظهر مڱريو، ياسين جتوئي، دودو خان، جواد جتوئي، خالد آرائين، هارون آرائين، اسلم انصاري، ۽ ٻيا پڻ موجود هئا.
