راڄوخاناڻي لڳ ٻن چنگچي رڪشائن ۾ آمهون سامهون ٽڪر، ٽن عورتن سميت 4 ڄڻا زخمي

راڄوخاناڻي: راڄوخاناڻي لڳ تلهار ويندڙ مين روڊ تي پير پکو اسٽاپ وٽ ٻن چنگچي رڪشائن ۾ آمهون سامهون زوردار ٽڪر ٿي پيو. جنهن جي نتيجي ۾ رورل هيلٿ سينٽر راڄوخاناڻي جي ليڊي هيلٿ ورڪر ممتاز کوکر، دامن زهرا، شبيران قمبراڻي ۽ احمد کوکر سخت زخمي ٿي پيا، جن کي علاج لا رورل هيلٿ سينٽر راڄوخاناڻي آندو ويو. زخمين مان ليڊي هيلٿ ورڪر ممتاز کوکر جي حالت نازڪ هئڻ ڪري کيس حيدرآباد روانو ڪيو ويو آهي. باقي زخمي راڄوخاناڻي اسپتال ۾ علاج هيٺ آهن.