مٺي لڳ جهنگ مان نامعلوم پيرسن جو لاش مليو، سول اسپتال منتقل

مٺي: مٺي جي ڳوٺ کاريو نرا ڀرسان جهنگ مان 60 ورهين جي پيرسن جو لاش مليو آھي. جنهن جي سڃاڻپ ٿي نه سگهي آھي، جڏهن ته ڳوٺاڻن جي اطلاع تي مٺي پوليس واقعي واري هنڌ پهچي لاش مٺي سول اسپتال منتقل ڪيو. جتي پوسٽ مارٽم جاري هو، پوليس موجب پيرسن جي سڃاڻپ نه ٿي سگهي آھي. ان ڪري لاش پوسٽ مارٽم بعد لاوارث طور امانتي زمين ۾ دفنايو ويندو ۽ ظاهري طور فوتي جي جسم تي تشدد جا ڪي به نشان نه آھن، ان باوجود پوسٽ مارٽم مان پتو پئجي ويندو ته پيرسن جي موت جو ڪارڻ ڪهڙو آھي ۽ جاچ ڪري رهيا آھيون.