کورواھه: کورواھه پوليس بينظير انڪم سپورٽ سينٽر کورواھه تي ڇاپو ھڻي ڊوائيس ھولڊرن سان مبينا ملي ڀڳت ڪري ڪٽوتي جي الزام ۾ بينظير انڪم سپورٽ جي ڊسٽرڪٽ فيلڊ آفيسر عدنان يوسف کي گرفتار ڪري ٿاڻي تي لاڪپ ڪيو آھي، کورواھه پوليس جو چوڻ آھي ته اسان ڳجھي ڪارروائي ڪري جوابدار کي گرفتار ڪيو آھي، گرفتار جوابدار خلاف جاچ ھلندڙ آھي، جاچ بعد ڪيس داخل ڪيو ويندو.
ٻئي طرف بينظير انڪم سپورٽ پروگرام جي ڊائريڪٽر منير ميمڻ ميڊيا کي پنھنجي موقف ۾ چيو ته عورتن جي ڪارڊن مان پئسا غائب ٿيڻ جي شڪايتن تي فراڊ ڪندڙ ھمراھه جي لوڪيشن قمبر-شھداد ڪوٽ جي ڊوائيس جي آھي، جتان پئسا ملڻ جو انڪشاف ٿيو آھي، عدنان يوسف کان جاچ ڪئي پئي وڃي، ڏوھي ٿيو ته مٿس ڪيس داخل ڪرايو ويندو.
