پيرڳوٺ ۾ بااثرن جي زيادتين خلاف ڳوٺاڻن جو مظاهرو، ڌرڻو

پيرڳوٺ: پيرڳوٺ لڳ ڳوٺ وليو شيخ جي مسڪين ڳوٺاڻن پاران بااثرن جي زيادتين خلاف پيرڳوٺ صدر جي ڀٽيون روڊ تي احتجاجي مظاهرو ڪري ڌرڻو هنيو ويو. ان موقعي تي غلام سرور شيخ، عبدالحميد، غلام حيدر، عبدالستار شيخ ۽ ٻين چيو ته بااثرن سهيل راهوجو، عجيب راهوجو، يونس عرف يونو، جمعو راهوجو ۽ ٻين ظلمن جي انتها ڪري ڇڏي آهي، گهرن تي حملا ڪري فائرنگ ڪئي وڃي ٿي ۽ معصوم ٻارڙن کي پڻ تشدد جو نشانو بڻايو وڃي ٿو، پر پوليس هنن خلاف ڪابه ڪارروائي نه ٿي ڪري. هنن اعليٰ اختيارين کان تحفظ جي گهر ڪئي.