مسعود اظهر اسان وٽ ناهي، پاڪستان ۾ ڳوليو:افغان حڪومت جو جواب

افغانستان جي طالبان حڪومت پاڪستان جي لکيل خط جي جواب ۾ پابندي مڙهيل تنظيم جي سربراهه مسعود اظهر جي موجودگي کان صاف انڪار ڪري ڇڏيو آهي. پاڪستان طرفان ڪالعدم تنظيم جيش محمد جي سربراهه مولانا مسعود اظهار جي گرفتاري لاءِ افغانستان حڪومت کي خط لکيو ويو هو، جنهن جي ردعمل ۾ افغان حڪومت مسعود اظهر جي افغانستان ۾ موجودگي جي ترديد ڪئي آهي. طالبان ۽ افغان حڪومت جي مرڪزي ترجمان ذبيح الله مجاهد چيو آهي ته جيش محمد جو سربراهه مولانا مسعود اظهر افغانستان ۾ نه پر پاڪستان ۾ ئي آهي.