حيدرآباد: روزاني “سنڌ ايڪسپريس” حيدرآباد جي رپورٽر راشد لغاري جو وڏو ڀا ڌڻي بخش لغاري لاڏاڻو ڪري ويو، اڄ تدفين ڪئي ويندي. خبر موجب سنڌ ايڪسپريس حيدرآباد جي رپورٽر راشد لغاري جو وڏو ڀا 52 سالا ڌڻي بخش لغاري ڪينسر جهڙي موذي مرض سان جهيڙي رهيو هيو، جيڪو گذريل 2 مهينن کان ضيا الدين اسپتال ۾ علاج هيٺ هيو، پر سندس طبيعت ۾ سڌارو نه اچي سگهيو هيو ۽ ڪالهه هو لاڏاڻو ڪري ويو، جنهن جو مڙهه وارث ڳوٺ امير بخش لغاري کڻائي ويا آهن ۽ سندس تدفين اڄ گلاب لغاري جي اگهم ڪوٽ قبرستان ۾ ڪئي ويندي.
مرحوم پونئيرن ۾ 2 بيواهون 3 پٽ، نياڻيون سوڳوار ڇڏيون آهن. مرحوم او جي ڊي سي ايل ڪنر آئل فيلڊ ۾ ملازم هيو، جنهن جي سخاوت توڙي يار ويسي جا چرچا دوستن توڙي مٽ مائٽن ۾ عام آهن. روزاني سنڌ ايڪسپريس جو سمورو سٿ راشد لغاري سان سندس وڏي ڀا جي لاڏاڻي تي ڏک ۽ تعزيت جو اظهار ڪري ٿو.
