فريدآباد: فريدآباد ۾ ڳوٺ ڪڙيو سڀڙ خان جا رھواسي ٻوڏ متاثر 10 ورھين جو معصوم نينگر گيسٽرو ۽ بخار سبب سرڪاري اسپتال ۾ فوت ٿي ويو، لاش کي چمبڙي ما جون دانھون، خبر موجب فريدآباد ۾ ڳوٺ ڪڙيو سڀڙ خان جي رھواسي ٻوڏ متاثر 10 ورھين جي نينگر نويد پٽ حسين بخش ساکاڻي کي وارثن گيسٽرو ۽ تيز بخار ھجڻ جي ڪري سرڪاري اسپتال فريدآباد ۾ آندو، جتي هو فوت ٿي ويو، ٻارڙي جي ما لاش کي چنبڙي دانھون ڪرڻ لڳي. ھوڏانھن سماجي اڳواڻ غلام مصطفى چانڊيو سرڪاري اسپتال پھچي معصوم ٻارڙي جي وارثن کي 10 ھزار روڪ، راشن ۽ لاش کڻائڻ لا لوڊر رڪشو ڪرائي ڏنو.
