روهڙي: روهڙي جي علائقي مراد شاهھ ڦاٽڪ جي رهواسي پير بخش، پرويز علي، مجيدا ۽ عليشا خاتون روهڙي پريس ڪلب آڏو احتجاجي مظاهرو ڪيو. ان موقعي تي عليشا خاتون ٻڌايو ته منهنجي شادي محمد هاشم مهر سان ٿي هئي، جنهن کان پو مڙس بناجواز تشدد ڪري ٿو، جنهن کان تنگ ٿي مائٽن وٽ آئي آهيان، پر هاڻي مڙس منهنجي والدين کي موتمار ڌمڪيون ڏئي رهيو آهي، جڏهن ته هٿياربندن سان گڏجي کنڀڻ جي پڻ ڪوشش ڪئي هئي، جڏهن ته اسان مڙس کي سوگهو ڪري پوليس حوالي ڪيو آهي. هن وڌيڪ ٻڌايو ته مڙس سان گڏ نٿي رهڻ چاهيان، اعليٰ اختياريون تحفظ فراهم ڪن.
