عمرڪوٽ: عمرڪوٽ ۾ پي ٽي آئي ڪارڪنن تحريڪ انصاف جي ايم اين اي لال مالھي خلاف پريس ڪلب اڳيان احتجاجي مظاهرو ڪري نعريبازي ڪئي. تعلقي پٿورو جي ڪارڪنن احتجاج ڪندي چيو ته برساتن ۾ الهه تلهه لڙهي ويو آهي، اسان تحريڪ انصاف جا ورڪر آهيون، پر پارٽي ايم اين اي لال مالھي ڪو رليف ناھي ڏنو، بار بار فون ڪرڻ باوجود لال مالهي ڪو جواب ڏيڻ ۽ ملڻ لا تيار ناهي، جنهن سبب پريشان آهيون، عمران خان ٽي وي تي اچي برسات متاثرن جي مدد جي آڙ ۾ اربين رپيا گڏ ڪري ٿو، پر مدد نٿو ڪري. هنن مطالبو ڪيو ته اسان کي راشن، خيما ۽ ٻيو سامان ڏنو وڃي.
