عثمان شاھه ھڙي: جهنڊو مري جي ڳوٺ ناگو شاهھ جي ڀرپاسي جي مختلف ڳوٺن جي عورتن صحافين جي ٽيم اڳيان واهر نه ٿيڻ خلاف احتجاج ڪيو. هنن چيو ته چونڊيل نمائندا ۽ ڀوتار صرف اليڪشن ۾ ايندا آهن، باقي هنن برساتن دوران ڪا مدد نه ڪئي، ڳوٺن ۾ 4 فوٽ تائين پاڻي بيٺل آهي، ڪوبه چونڊيل نمائندو ۽ ضلعي توڙي تعلقي جو ڪامورو ناهي آيو، اسان هڪ اين جي اوز جي اسڪول ۾ پناھه ورتي، جن هاڻ اسان کي اسڪول مان ڪڍي ڇڏيو آهي، برساتي پاڻي ۾ جيت پيدا ٿي ويا آهن، مڇرن ۽ جيتن سبب ٻار بيمار ٿي رهيا آهن، پر ڪير به مدد ڪرڻ لا تيار ناهي، اسان کي راشن، خيما يا ٻيو سامان ناهي مليو. ان موقعي تي ڳوٺاڻن چيو ته انتظاميا هزارين ايڪڙ زمين مان پاڻي ڪڍڻ لا رڳو هڪ مشين سم نالي تي رکي آھي، جيڪا ٽن ڏينهن کان خراب آهي، اسان وٽ پيئڻ لا پاڻي ناهي. هنن اپيل ڪئي ته اسان جي واهر ڪئي وڃي.
