ٽنڊوآدم: ٽنڊوآدم ۽ آسپاس جي علائقن ۾ 15 ماڻهن کي رولو ڪتن ڏاڙھي زخمي ڪري ڇڏيو. رپوٽ موجب ٽنڊوآدم ۽ آسپاس جي علائقن ۾ رولو ۽ ڇتن ڪتن جو آزار وڌي ويو. رولو ڪتن ڳوٺ علي مردان جمالي ۾ ٽن ڄڻن 34 ورهين جي احمد نواز، 24 ورهين جي جبار، 5 ورهين جي سونيا، شھر ۾ 9 ورهين جي ڏيارام پٽ بچو، جمن شاھه ۾ 4 ورهين جي علي وارث پٽ دلدار، طور ڪالوني ۾ 7 ورهين جي حيدر علي پٽ بلال، ڳوٺ مير حسن مري ۾ 40 ورهين جي ميران، نيو سٽي ۾ 22 ورهين جي امجد پٽ نور محمد، اسٽيشن چوڪ ۾ 10 ورهين جي اشفاق پٽ شيرخان، رشيد ڪالوني ۾ ٻن ڄڻن 50 ورهين جي عبدالغفار پٽ شيردين ۽ 5 ورهين جي الهڏنو پٽ محمد علي، گلزار ڪالوني ۾ 20 ورهين جي ماروي، ڳوٺ غازي خان ڪاتيار ۾ 16 ورهين جي گلزار پٽ محمد خان، 17 ورهين جي زبير پٽ غلام شبير ۽ سلطان آباد ۾ 14 ورهين جي مختيار پٽ علي نواز کي ڏاڙھي زخمي ڪري ڇڏيو، سمورن زخمين کي تعلقي اسپتال آندو ويو.
