عمرڪوٽ: عمرڪُٽ ۾ بيوه نابين عورت پانچو، پريمان، نصيبان ۽ راڌا سانوڻ ڀيل معصوم ٻارن سان گڏ پريس ڪلب اڳيان احتجاج ڪيو. هنن چيو ته ڳوٺ بيجڙھيار ۾ صبح جو ٻني ۾ ٺهيل گهرن ۾ ويٺا هئاسين ته کوکراپار پوليس اسان جي گھرن ۾ داخل ٿي ٻارن تي تشدد ڪيو ۽ پريم، ڀورو ۽ راگھو کي گرفتار ڪيو. پوليس جي موجودگي ۾ 3 جيپون آيون، جنھن ۾ آچار ھاليپوٽو، قاسم، ڪالي خان ھاليپوٽو، جمن ھاليپوٽو، عنايت ھاليپوٽو، محمد رحيم ھاليپوٽو، حنيف ھاليپوٽو، منگل ولد ساڏورو، ساجن ولد ساڏورو ۽ ٻين گھر ۾ داخل ٿي تشدد ڪيو. جوابدارن معصوم چندن، ھريو، ٽيلراج، پانچو، راڌا، نصيبان، پريمان، معصوم مونت ٻائي، پڏمان، ڪرپال، ڪشور ۽ ڪرمچند کي گاڏين ۾ زوري ويهاريو ۽ شام جو ڳوٺ لالاٻاهھ ڀرسان ڌڪا ڏئي لاھي ٽيلراج ولد ويرسي کي اغوا ڪري کڻي فرار ٿي ويا. هنن چيو ته کوکراپار پوليس ڪيس داخل ڪرڻ لا تيار ناهي، ايس ايڇ او جوابدارن جي پٺڀرائي ڪري پيو. هنن گهر ڪئي ته ٽيلراج کي بازياب ڪرائي تحفظ فراهم ڪيو وڃي.
