ٽنڊوالهيار/عثمان شاهھ ھڙي: پيارو لنڊ ٿاڻي جي حد ٽنڊوالهيار روڊ جي بس اسٽاپ مصري ٽيوب ويل وٽ 2 نامعلوم موٽرسائيڪل سوار هٿياربند ھٿيارن جو زور تي بينظير انڪم سپورٽ سينٽر پيارو لنڊ جي ڊوائيس ھولڊر بلاول ڀيل کي يرغمال بڻائي 6 لک 98 ھزار ڦر ڪري ويا، واقعي جي اطلاع تي پيارو لنڊ پوليس علائقي جي سمورن مين روڊن ۽ لنڪ روڊن تي ناڪابندي ڪري ايندڙ ويندڙ ماڻهن جي گاڏين جي تلاشي ورتي ۽ سڃاڻپ ڪارڊ چيڪ ڪيا. ٻئي طرف معلوم ٿيو آھي پوليس ٻن نامعلوم ماڻهن کي شڪ جي بنياد تي حراست ۾ وٺي نامعلوم ھنڌ منتقل ڪري ڇڏيو آھي. ھوڏانھن واقعي کانپوءِ ڊوائيس ھولڊرن کي تحفظ لاءِ نفري فراهم ڪئي وئي آهي. ٻئي پاسي ايس ايس پي فاروق احمد بجاراڻي پهچي واردات واري هنڌ جو جائزو ورتو.
