ڪنب: ڪنب ڀرسان پراڻي تڪرار تان جهيڙو، عورت قتل، هڪ ڄڻُو زخمي خبر موجب ڪنب لڳ ڳوٺ جهونگل شاهه ۾ پراڻي تڪرار تان ڌرين ۾ جهيڙو ٿي پيو. جهيڙي دوران گوليون لڳڻ ڪري 60 سالن جي پيرسن عورت خيران زال ڦوٽل ڳاهو قتل ٿي وئي. جڏهن ته وحيد ڳاهو زخمي ٿي پيو. ٻي پاسي قتل ٿيل عورت جي وارثن فقير لعل ڏنو ڳاهو، نظر حسين ڳاهو، مشتاق ڳاهو ۽ ٻين لاش رکي ٿاڻي آڏو احتجاج ڪندي چيو ته ديدار ڳاهو ۽ ٻين حملو ڪري عورت خيران کي قتل ڪيو آھي ۽ گولي لڳڻ ڪري وحيد ڳاهو زخمي ٿيو آھي. هنن اعليٰ اختيارين کان جوابدارن جي گرفتاري جي اپيل ڪئي. ڪنب پوليس رابطي تي ٻڌايو ته عورت جي وارثن کي ميڊيڪل ليٽر ڏئي اسپتال اماڻيو آھي، واقعي جي جاچ ڪري رهيا آھيون. هوڏانهن عورت جو لاش پوسٽ مارٽم بعد وارثن حوالي ڪيو ويو.
