ٽنڊوجان محمد: ٽنڊوجان محمد ڀرسان ڳوٺ بالو جا ڪنب ۾ مولچند مالھي جي ٻني مان برساتي پاڻي سان ڀريل کڏي ۾ ڳوٺاڻن اونڌو پيل لاش ڏسي پوليس کي اطلاع ڪيو، پوليس پهچي لاش پاڻي مان ڪڍرايو، فوتي جي سڃاڻپ جعفر ملاح جي نالي ٿي، جنھن بعد فوتي جي وارثن کي گھرايو ويو، انھن فوتي سڃاڻپ ڪئي. فوتي جعفر ملاح ٽنڊوجان محمد جي خان شاھه ڪالوني جو رھواسي هو. وارثن جو چوڻ ھو ته فوتي جو دماغي توازن ٺيڪ نه ھو، جنھن ڪري ھو بنا ٻڌائڻ جي گھران نڪري ويندو هو، ھن کان اڳ ۾ به گھران نڪري چڪو ھو ۽ زخمي حالت ۾ ميرپورخاص جي اسپتال ۾ لاوارثي جي حالت ۾ علاج هيٺ هو. سوشل ميڊيا تي گمشدگي جي اطلاع تي ھٿ آيو ھو، وارثن پاران ڪيس نه داخل ڪرائڻ تي پوليس ضروري ڪارروائي بعد لاش سندن حوالي ڪيو.
