ٽنڊوآدم: ٽنڊوآدم لڳ ٻوڏ متاثر 6 ٻارن جي پي بيمار پورھيت غربت ۽ بيماري کان تنگ ٿي آپگھات ڪري ڇڏيو. ڳوٺ عارف ساند ۾ تازين برساتن سبب متاثر ٿيل پورھيت 6 ٻارن جي پي ڍولو ڀيل غربت سبب دوائون نه ھجڻ ڪري پنھنجي گھر ڪمري اندر پاڻ کي پکي سان ٽنگي ڦاھو کائي آپگھات ڪري ڇڏيو، اطلاع ملڻ تي سٽي پوليس لاش لهرائي تعلقي اسپتال آندو. سندس ڀا گوپي چند ميڊيا کي ٻڌايو ته ڀا گھر برساتن ۾ متاثر ٿيو ھو، جيڪو مھيني کان روڊ جي ڪپر تي ويٺل ھو، 2 ڏينھن اڳ گھر واپس آيو ھو، ڀا کي فالج هو، پئسا نه ھئڻ سبب دوا ۽ کاڌ خوراڪ نه وٺي سگھندو ھو، زال پني ٻارن کي کارائيندي ھئي، ان ڪري هن آپگهات ڪيو.
