مسلم ليگ (ن) جي نائب صدر مريم نواز آڊيو ليڪس جي انڪوائري لا عمران خان طرفان عدالت وڃڻ واري بيان تي سخت تنقيد ڪئي آهي. مريم نواز ٽوئيٽر تي تحريڪ انصاف چيئرمين کي مخاطب ٿيندي چيو ته جڏهن تون وزيراعظم هئين تڏهن مخالفن جي رڪارڊنگ ٿيڻ کي جائز قرار ڏيندو هئين ۽ چوندو هئين ته ڳجهن ادارن جو ته ڪم ئي اهو آهي. مريم چيو ته عمران خان جي ڳالهه جي هاڻي ڪا حيثيت ناهي، جڏهن پاڻ وزيراعظم هو ته مخالفن جي رڪارڊنگز کي جائز ۽ حلال قرار ڏيندو هو. عمران خان کي هاڻي نه سندس مطلب جي جي آ ٽي ملندي ۽ نه ئي سندن پنهنجن ڪنن ۽ اکين وارا ڳجها ادارا ملندا.
