دادو: سنڌ يوٿ ايڪشن ڪاميٽي جي چيئرپرسن سنڌو نواز گهانگهرو جي ميهڙ مان دوائن سميت چوري ٿيل ڪار واپس نه ٿيڻ خلاف سنڌو نواز گهانگهرو جي اڳواڻي ۾ ڪارڪنن، شهرين، وڪيلن ۽ نوجوانن دادو ۾ علامه آ آ قاضي لائبريري کان ريلي ڪڍي شهر جي جي مختلف رستن تان گشت ڪرڻ بعد ايس ايس پي آفيس دادو آڏو نٽهڻ اس ۾ ڌرڻو هنيو ويو، ان موقعي تي پوليس خلاف نعريبازي ڪئي وئي، سنڌو نواز گهانگهرو چيو ته سنڌ ۾ نااهل ۽ ناڪاره ايس ايس پيز مقرر ڪيا ويا آهن، جنهن سبب سنڌ جي هر ضلعي ۾ امن امان جي صورتحال خراب آهي، ڦرون، ڌارا، اغوا ۽ قتل جا واقعا وڌي ويا آهن، ماڻهو پنهنجي گهرن ۾ به محفوظ نه آهن، ڪرپٽ پ پ سرڪار سڄي سنڌ کي پوليس اسٽيٽ بڻائي ڇڏيو آهي، هن چيو ته اسان تيستائين خاموش نه ويهنداسين جيستائين چوري ٿيل ڪار واپس نه ٿي ڪرائي وڃي.
