سرهاڙي: سرهاڙي ۾ ٻن ڌرين ۾ جهيڙو ٿي پيو، جنهن ۾ نوجوان قتل ٿي ويو ۽ 3 ماڻهو زخمي ٿي پيا. ان سلسلي ۾ سرھاڙي ٿاڻي جي حد ڳوٺ علي خان زرداري ۾ معمولي ڳالهھ تان ٻن ڌرين ۾ جهيڙو ٿي پيو، جنهن دوران لٺيون ۽ ڪهاڙيون لڳڻ سبب 32 ورهين جو علي دوست زرداري قتل ٿي ويو، جهيڙي ۾ خالد حسين زرداري، شمن علي ۽ امجد زرداري سخت زخمي ٿي پيا، اطلاع تي پوليس پهچي وئي، جنهن مقتول جو لاش ۽ زخمين کي کڻائي اسپتال آندو، جتان ضروري ڪارروائي بعد لاش وارثن حوالي ڪيو ويو، جيڪي گهر کڻائي پهتا ته ڪهرام مچي ويو. رابطو ڪرڻ تي پوليس ٻڌايو ته ڌرين ۾ جهيڙو معمولي ڳالهه تان ٿيو، جنهن ۾ نوجوان قتل ٿيو آهي، پوسٽ مارٽم رپورٽ اچڻ بعد ڪارروائي ڪري نوجوان جي قاتلن کي گرفتار ڪيو ويندو. هوڏانهن واقعي جو ڪيس داخل نه ٿي سگهيو، نه ئي جوابدار گرفتار ڪيا ويا.
