هلندڙ بس ۾ سياسي بحث جهيڙي جي شڪل اختيار ڪري ورتي، جنهن تان گوليون هڻي هڪ همراهه کي قتل ڪيو ويو ۽ سندس ڀا زخمي ٿي پيو آهي. مليل ڄاڻ موجب سوات موٽر وي تي ڪاٽلنگ انٽرچينج ويجهو پشاور کان تيمر گرهه ويندڙ بس ۾ سفر دوران مسافرن ۾ سياسي بحث زور وٺي ويو، جنهن تان ڌرين ۾ جهيڙو ٿي پيو ۽ هڪ ڌر پنهنجي ماڻهن کي ڳوٺان رستي تي گهرائي بس بيهاري ڇڏي، جنهن بعد بحث ۾ شريڪ ٻن ڀائرن وقاص الدين ۽ رحيم الدين کي گوليون هنيون ويون، فائرنگ ۾ رحيم الدين موقعي تي دم ڏنو، جڏهن ته سندس ڀا وقاص سخت زخمي ٿي پيو، جڏهن ته جوابدار فرار ٿي ويا. پوليس نامعلوم جوابدارن خلاف ڪيس داخل ڪري ورتو آهي.
