اسلام آباد :پرڏيهي وزارت ممتاز زهرا بلوچ کي پرڏيهي آفيس جي ترجمان مقرر ڪري ڇڏيو آهي. پرڏيهي آفيس طرفان جاري ڪيل نوٽيفڪيشن موجب ممتاز زهرا بلوچ کي پرڏيهي آفيس جي ترجمان مقرر ڪيو ويو آهي. ممتاز زهرا بلوچ کي 25 سالن کان وڌيڪ تجربو آهي ۽ هن وقت ايڊيشنل فارن سيڪريٽري (ايشيا پيسفڪ) طور ڪم ڪري رهي آهي. ممتاز زهرا بلوچ آمريڪا ۽ ڏکڻ ڪوريا سميت مختلف ملڪن ۾ فرض سرانجام ڏئي چڪي آهي. واضح رهي ته پرڏيهي آفيس جي موجوده ترجمان عاصم افتخار کي 20 آگسٽ 2021 تي ان عهدي تي مقرر ڪيو ويو هو. هاڻي کيس فرانس ۾ سفير مقرر ڪيو ويو آهي.
