ٽنڊوالهيار/ عثمان شاهه هڙي: ٽنڊوالهيار ۾ پاڪ فوج جي حمايت ۾ 3 ڌار ڌار ريليون ڪڍيون ويون. پيارو لنڊ ۾ ارباب مستوئي ۽ حاجي نور محمد نظاماڻي پاران پاڪ فوج جي حمايت ۾ ريلي ڪڍي وئي. تاجر اتحاد پاران حميد قريشي ۽ ماما رتن لال جي اڳواڻي ۾ مارڪيٽ روڊ کان لطيف گيٽ تائين ريلي ڪڍي وئي. ولايت علي تنظيم پاران پريس ڪلب سامهون پاڪ فوج جي حمايت ۾ نعرا هنيا ويا. ان موقعي تي اڳواڻن ريلين کي خطاب ڪندي چيو ته پاڪ فوج هميشه قربانيون ڏئي پاڪستان کي مضبوط ڪيو آهي، اسان پاڪستان فوج سان گڏ آهيون، اسان جي فوج دنيا جي بهترين فوج ۾ شمار ٿئي ٿي. ڪجهه عناصر پاڪ فوج خلاف غلط پروپيگنڊا ڪري رهيا آهن، جنهن جي اسان سخت لفظن ۾ مذمت ڪريون ٿا.
