نوشهروفيروز: ڪنڊيارو جي شهباز ڪالوني جي رهواسڻ فهميدا هنڱورو پريس ڪلب نوشهروفيروز اڳيان احتجاج ڪندي چيو ته پنهنجي 20 سالن جي ڌيءُ رضوان سان نوشهروفيروز ڏانهن دوا وٺڻ پئي آيس ته ڀريا سٽي ڀرسان شاهه جهان پيٽرول پمپ وٽ 4 هٿياربندن وين کي روڪي سندس ڌيءُ رضوان کي اغوا ڪري ويا آهن، جن کي مون سڃاتو، انهن ۾ منهنجي ڌيءُ جو اڳوڻو مڙس خالد تڳر، جاڙو، مظهر ۽ ناکو تڳر شامل هئا، سال اڳ خالد تڳر منهنجي ڌيءُ رضوان کي 5 مهينا اڳ طلاق ڏئي ڇڏي آهي، اهڙو ڪيس ڪورٽ مان اسان کٽيو آهي. هن ايس ايس پي کان گهر ڪئي ته نوٽيس وٺي ڌي کي بازياب ڪرايو وڃي.
