نوري آباد: نوري آباد ويجهو خوفناڪ حادثو پيش آيو، موٽروي روڊ تي نوري آباد ٿاڻي جي حد ۾ ڪراچي کان حيدرآباد ايندڙ مزدا گاڏي مڊوي هوٽل ڀرسان اڳيان ويندڙ نامعلوم گاڏي سان ٽڪرائجي وئي. جنهن جي نتيجي ۾ شهزو مزدا ۾ سوار 3 ڄڻا ٿڏي تي فوت ٿي ويا، ٽنهي فوتين جي سڃاڻپ ڊرائيور جاڙو پنهور، شاهد پنهور ۽ مڪيش ٺاڪر طور ٿي آهي. حادثي جو اطلاع ملندي موٽروي پوليس ايڌي جي رضاڪارن ۽ ايف ڊبليو جي ٽيمن پهچي فوتين جي مڙهن کي نوري آباد ٿاڻي تي منتقل ڪيو. جتان ضروري ڪارروائي بعد لاش وارثن حوالي ڪيا ويا. فوتين جو تعلق حيدرآباد ڀرسان هوسڙي واري علائقي گهانگهرا موري سان آهي. فوتي ڪراچي جي سبزي منڊي مان سبزي جي گاڏي ڀرائي اچي رهيا هئا ته ساڻن حادثو پيش آيو. هوڏانهن نوري آباد پوليس موجب ته وارثن ڪا ڪارروائي نه ڪرائي، جنهن ڪري ڪوبه ڪيس داخل نه ڪيو ويو آهي.
