سيوهڻ: سيوهڻ ڀرسان سبيل وٽ تيزرفتار ٻن ڪارن ۾ آمهو سامهون زوردار ٽڪر جي نتيجي ۾ هڪ عورت سميت 2 ڄڻا فوت ٿي ويا، جڏهن ته 3 ڄڻا سخت زخمي ٿي پيا آهن، فوتين ۽ زخمين کي سيد عبدالله شاھه انسٽيٽيوٽ سيوهڻ ۾ منتقل ڪيو ويو آهي، خبر موجب ٻوڏ کانپوءِ سيوھڻ کان ڀان سيدآباد تائين انڊس هاءِ وي روڊ تباهه ٿي ويو آهي، ڪالهه سيوهڻ ڀرسان سبيل وٽ انڊس هاءِ وي روڊ تي تيزرفتار ٻن ڪارن ۾ آمهون سامهون زوردار ٽڪر ٿي پيو.
جنهن جي نتيجي ۾ دادو واسي تپيدار عمرالدين لغاري ۽ هڪ عورت عظيمان ڀنڊ ٿڏي تي ئي فوت ٿي ويا. جڏهن ته سڪينا ڀنڊ،شڪور راهوجو ۽ فيهم ميمڻ زخمي ٿي پيا. حادثي جي فوتين ۽ زخمين کي سيد عبدالله شاھه انسٽيٽيوٽ آف ميڊيڪل سائنس آندو ويو. جتي زخمين کي طبي امداد مهيا ڪئي وئي، جڏهن ته فوتين کي ضروري ڪارروائي بعد وارثن حوالي ڪيو ويو جيڪي پنهنجي مڙهن کي پنهنجن گهرن ڏانهن کڻي ويا جتي ڪهرام مچي ويو.
