حيدرآباد: حيدرآباد ۾ 28 کان 4 ڊسمبر تائين شروع ٿيندڙ پوليو مهم جو يوسي موسى کٽياڻ ۾ افتتاح ڪيو ويو. خبر موجب حيدرآباد ۾ شروع ٿيندڙ پوليو مهم جو افتتاحي تقريب يوسي موسى کٽياڻ ۾ منعقد ڪئي وئي، جنهن ۾ پاڪستان پيپلز پارٽي جي سينيئر اڳواڻ رئيس فرمان علي کٽياڻ، ڊاڪٽر عامر ناهيون، ڊاڪٽر الفت ميمڻ، ڪام نيٽ اسٽاف محمد يوسف، ڊبليو ايڇ او جي محمد آصف، غلام صغرى، غلام سڪينه ۽ ٻين افتتاحي ربن ڪٽي مهم جو باقائده افتتاح ڪيو. هنن چيو ته عوام کي گهرجي ته پوليو مهم دوران گهر گهر ايندڙ ٽيمن توڙي اسپتالن ۽ بس اڏن تي بيٺل پوليو ٽيمن سان سهڪار ڪري پنهنجن پيدائش کان 5 سالن تائين جي ٻارڙن کي پوليو جا 2 ڦڙا ضرور پيارين، ڇو ته هن بيماري جو واحد حل پوليو ويڪسين جا 2 ڦڙا آهن.
