ڏوڪري: ڏوڪري ڀرسان ويهڙ ٿاڻي جي حد ڳوٺ ٽاٽڙي ۾ 4 سالن جو معصوم ٻارڙو فهد حسين پٽ پرويز ٽاٽڙي ٽرڪ هيٺان اچي چيڀاٽجي فوت ٿي ويو، معصوم ٻارڙو گهر ٻاهران کيڏي رهيو هيو ته تيز رفتار ٽرڪ ٻارڙي مٿان چڙھي وئي، جنهن جي نتيجي ۾ معصوم ٻارڙو ٿڏي تي فوت ٿي ويو، اطلاع تي پوليس پهچي وئي، جنهن ڊرائيور گل حسن ميمڻ کي گرفتار ڪري لاڪپ ڪري ڇڏيو. هوڏانهن ويهڙ پوليس ٻڌايو ته معصوم ٻارڙو ٽرڪ هيٺان اچي فوت ٿي ويو آھي، اسان ڊرائيور گل حسن ميمڻ کي گرفتار ڪيو آھي. وارث ڪيس داخل ڪرائڻ چاهيندا ته اسان ڪيس داخل ڪنداسين. هوڏانهن فوتي معصوم ٻارڙو فهد حسين جي گهر ۾ ڪهرام مچي ويو.
