عثمان شاھه ھڙي: عثمان شاھه ھڙي ويجھو ڳوٺ مال خان ٿيٻو ۾ خيرات وٺڻ بھاني آيل گروه جي 4 ڄڻن کي ڳوٺاڻن جهلي عمر ساند پوليس حوالي ڪري ڇڏيو. ڳوٺاڻن موجب ڳوٺ مال خان ٿيٻو جي خاصخيلي پاڙي مان خيرات وٺڻ بھاني آيل ھڪ عورت ۽ 3 مرد ٻار کڻي وڃڻ جي ڪوشش ڪري رهيا ھئا ته کين سوگهو ڪري ورتو. عمر ساند پوليس پاران گرفتار ڪيل ماڻهن ۾ عورت عاليه، انور، ولي داد ۽ عابد شامل آهن، جن وٽ لوڊر رڪشا به هو، جيڪو پوليس تحويل ۾ ورتو. ان سلسلي ۾ پوليس ٻڌايو ته گرفتار ڪيل عورت ۽ 3 ماڻهن جو تعلق پنجاب جي علائقي اوڪاڙا سان آھي، وڌيڪ پڇاڳاڇا ڪئي پئي وڃي. ايس ايڇ او عمر ساند موجب ڳوٺاڻن جي اطلاع بعد جوابدارن کي گرفتار ڪيو آهي، پڇاڳاڇا ڪري رھيا آھيون.
