سامارو: سامارو ڀرسان 25 سالن جي نوجوان نارو ڪولھي جو پاڻي جي کڏي مان لاش مليو، سامارو ڀرسان ڳوٺ محمد اسحاق ڀٽي جي رھواسي 25 سالن جي نارو پٽ ڪرشن ڪولھي جو ڳوٺ ڀرسان پاڻي جي کڏي مان لاش مليو، ڳوٺاڻن جي اطلاع تي وارثن ۽ پوليس پھچي لاش ٻاھر ڪڍرايو ۽ پوليس لاش تحويل ۾ وٺي وارثن کي پوسٽ مارٽم ڪرائڻ لا زور ڀريو، پر وارثن لاش جو پوسٽ مارٽم ڪرائڻ کان انڪار ڪندي پوليس ۽ صحافين کي ٻڌايو ته اسان جو نوجوان نارو مرگھي جي مريض ھو. گذريل ڏينھن گھران ويو ته واپس نه موٽيو، ڳولا ڪرڻ باوجود نه مليو، اڄ ڳوٺ ڀرسان پاڻي جي کڏي مان لاش مليو آھي، نارو مرگھي جي دوري سبب پاڻي جي کڏي ۾ ڪري ٻڏي فوت ٿيو آهي، اسان ڪارروائي ڪرائڻ نٿا چاھيون. پوليس وارثن کان لکت ۾ وٺي لاش سندن حوالي ڪيو.
